Культурніцкая ініцыятыва Твой Фэст пры падтрымцы кампаніі «Будзьма беларусамі» прадстаўляе:

Першы літаратурна-музычны фэст беларускай еўрапейскай лірычнай культуры
«КАХАЙ ПА-БЕЛАРУСКУ, ЖЫВІ ПА-ЕЎРАПЕЙСКУ!..»

 

Вас чакае сустрэча з бліскучымі беларускімі паэтамі і музыкамі! Усе пакаленні сучасных творцаў на адной сцэне. У праграме не толькі сталічныя легенды, але і зоркі з рэгіёнаў! Таксама адбудзецца ўганараванне пераможцаў Конкурсу Ідэй для крэатыўнай беларускай моладзі, які праводзіўся ў межах фэсту. Вас чакаюць конкурсы і падарункі!

У гэтыя халодныя снежаньскія дні мы хочам даць вам крыху цяпла, утульнасці, выдатнага настрою і любові!.. А таксама вас чакае якасная беларуская музыка і добрая еўрапейская паэзія! Прыходзьце самі і запрашайце сяброў! Перабудзем зіму разам!

Дзе: Менск, клуб “LOFT” (вул.П.Броўкі, 22)
Калі: 5 і 6 снежня 2011
Пачатак усіх мерапрыемстваў а 19.00.

 

Выступоўцы 5 снежня:


Stefan Eryksan
Dziadzka Ryhor
Алесь Камоцкі
Алесь Разанаў
Віктар Шалкевіч
Андрэй Хадановіч
 Андрэй Плясанаў
Сяргей Панізнік
Юля Новік
Аляксей Вежавец
Таццяна Беланогая (Маладзечна)
Андрэ Бём
Таццяна Салаўёва (Гародня)
Раман Яраш
гурт Яблынька (Гарадок-Полацк)
і іншыя.

 

Выступоўцы 6 снежня:

Аkute (Магілёў)
 Recha
Cпрат (Берасце)
BosaeSonca
 Князь Мышкін
PANaNieba (Вілейка)
Dzivasil
Nevma (Магілёў)
і іншыя.

Вядоўца фэсту – Валярына

Папярэдняе браніраванне квіткоў. Забраніраваць месцы вы можаце па адрасе tvojfest@gmail.com. Дашліце ліст, у якім пазначце вашае імя і прозвішча, колькасць людзей з вамі, які квіток браніруеце (напрыклад: Караткевіч +3, столік на 2 вечары). У тэме – «Фэст Бронь». Таксама квіткі будуць прадавацца ў дзень імпрэзаў, 5 і 6 cнежня, у Loft-cafe (вул.П.Броўкі, 22). Таксама пажадана, каб вы пацвердзілі сваю бронь у адміністратара Лофт-кавярні па тэлефоне: 3800010 (адміністратар Віка альбо Варвара). Колькасць месцаў абмежаваная – спяшайцеся!)

Квіткі. Дэмакратычныя кошты: першы дзень – 20 000, другі дзень – 40 000, на два дні – 50 000, за столікам на адзін вечар на аднаго чалавека – 50 000.

Для журналістаў уваход вольны ў выпадку акрэдытацыі.  Да 5 снежня  дашліце на tvojfest@gmail.com ліст, у якім пазначце вашае імя і прозвішча, СМІ, сайт альбо іншае выданне, якое вы прадстаўляеце (напрыклад: Гервасій Выліваха +3, часопіс «Апраметная», ул.фотакар), у якія з дзён вы збіраецеся быць (адпаведна пра якія будзеце рабіць матэрыялы),  у тэме — «месца для журналіста». Відэа- і фотаздымкі імпрэзы таксама дазволеныя — толькі папярэдзьце нас пра ваш намер загадзя.